Бишкектин Октябрь райондук соту журналист Канышай Мамыркулованы күнөөлүү деп таап алты жылга кесип, төрт жылдык пробация менен абактан чыгарды.
Абактагы журналист Канышай Мамыркулованын иши боюнча сотто прокурор журналистти 8,5 жылга эркиндигинен ажыратууну сурады. Буга байланыштуу социалдык тармактарда нааразы пикирлер жазылды.
"Апрель" телеканалынын ишмердиги токтошу мүмкүн экени айтылды. Анда иштеген журналисттер Телеграм-каналы аркылуу көрүүчүлөрүнө кайрылуу жасашты.
Үч айдан ашык убактан бери абакта жаткан журналист Канышай Мамыркулованын иши боюнча отурум Бишкектин Октябрь райондук сотунда 30-июнда уланат. Соттун жылышына журналисттин ишинде экспертиза жасаган адистин дагы келбей калганы себеп болду.
Жогорку Кеңеш “Жалпыга маалымдоо каражаттары жөнүндө” мыйзам долбоорун дароо экинчи жана үчүнчү окууда кабыл алды. Бул мыйзам медиа коомчулуктун нааразылыгын жаратып, маалымат каражаттарынын ишмердигине терс таасирин тийгизерин эскертүүдө.
Жогорку Кеңештин Социалдык саясат боюнча комитети 16-июндагы жыйынында “Жалпыга маалымдоо каражаттары жөнүндө” мыйзам долбоорун экинчи жана үчүнчү окууда карап, жактырды.
Канышай Мамыркулованын иши боюнча эксперт-лингвист суралды. Эксперттин журналисттин соцтармактагы посттору боюнча чыгарган корутундусу бир топ суроону жаратып, айрым жагдайлар талашка түштү. Журналист өзүнө козголгон кылмыш ишинин маңызы жок экенин белгилеп, айыптарды четке какты.
29-майда Клооп Медианын дагы эки кызматкери сурак берди. Мурунку күнү басылманын беш журналисти суралып, эки кызматкери 48 саатка кармалды. Бийликтин өкүлү медиа кызматкерлерди иликтөөчү журналист Болот Темировго байланыштырды. Укук коргоо органдары расмий комментарий бере элек.
Клооп Медиа 29-майда дагы бир журналисти Абдил Төрөбаевди укук коргоо органдары суракка алып кеткенин маалымдады. Кечээ басылманын беш журналисти суралып, эки кызматкери 48 саатка кармалды. Укук коргоо органдары расмий комментарий бере элек.
Бишкектеги Чыңгыз Айтматов көчөсүндө "кызыл чектен" чыгып кеткен делген үй ээлери сотко даттанышат. Алар мэриянын 26-майдагы чечимин "мыйзамсыз" деп эсептеп, "Жер кодексине" каршы келерин айтышат. Мэр Айбек Жунушалиев бардык иш мыйзамга жана шаардын башкы планына ылайык жүрүп жатканын билдирди.
Европа Биримдигинин Борбор Азия боюнча атайын өкүлү Эдуардс Стипрайс Бишкекке иш сапары менен келип кетти. Кыргызстанга алгачкы сапар менен келген Стипрайс 14-16-май күндөрү президент Жапаров баштаган жетекчилер, депутаттар, жарандык коомдун өкүлдөрү менен жолугуп, “Азаттыкка” маек курду.
Дагы жүктөңүз
