Украина: Орусия 500дөн ашуун дрон, ракета менен чабуул койду
Сиздин браузер HTML5 ыкмасын колдобой жатат.
4-июлга оогон түнү орус аскерлери Украинанын шаар-кыштактарына жапырт сокку уруп, жалпысынан 550дөй пилотсуз учак жана ракета атты. Украинанын аба күчтөрү билдиргендей, Орусия түнкү чабуулдарда "Кинжал", "Искандер" сыяктуу баллистикалык жана канаттуу ракеталарды колдонду. Анын алдында АКШнын лидери Дональд Трамп орус президенти Владимир Путин менен телефондон сүйлөшкөнү маалымдалган. Трамп бул сүйлөшүүдө "эч кандай жылыш болбогонун" билдирди.